Nigerians don celebrate tire after dem hear say flying Eagles wey be Nigeria U-20 men’s national team don win WAFU B U-20 Championship and wetin sweet them pass na Ghana dem win for final.
Nigeria bin win Ghana black Satellites 2-1 for Stade de Kรฉguรฉ in Lomรฉ, di Togolese capital city and di winning don give Nigerians better joy.
Nigeria and Ghana don already qualify for 2025 U-20 AFCON because na them be di finalists for this 2024 WAFU B U-20 Championship but dem still play final to know who go win WAFU B cup and na Nigeria later win am.
Nigeria bin start well for first half and wetin help them be say dem make use of their opportunities and all thanks to Kparobo Arierhi wey score di two goals wey help Nigeria win Ghana.
Watch di first goal
Watch di second goal
