Laurues World Sports award organizers don release di names of six(6) people wey dem nominate for 2024 Laureus World Sports award.
Di official nomination announcement bin shele in Casa de Correos wey dey for Real Madrid, Spain this afternoon wey be 26th Febuary 2024 and people wey attend di nomination award na Isabel Diaz Ayuso wey be di president of Laurues World Sports award for Madrid region, oga Jose Luis Martinez Almeida wey be Mayor of Madrid and some sporting legends like Luis Figo, Ruud Guillt and others follow attend di nomination ceremony this afternoon.
After di ceremony, dem don nominate six people for 2024 Laureus World Sportsman award go shele on di 22nd of April 2024.
Things wey you suppose know about di award
Laurues World Sports award na award wey dem dey give any sportsman wey show hin performance and achievement for di year deserve di award and di award no be for football alone, dem dey nominate people wey dey play Golf,Tennis, basketball etc Infact di first person wey win this award na Tiger Woods wey dey play Golf and e win di award in 2000.
• Di person wey get di award pass na Roger Federer wey dey play Tennis and e don win di award five(5) times.
• Lionel Messi still remain di only footballer wey don win this award and e win am in 2020 and 2023 and dem still nominate am for 2024 edition.
• Dem don nominate Cristiano Ronaldo five times( 2009, 2014, 2015, 2017 and 2018 but e never win am before.
• Dem don nominate Lionel Messi six(6) times( 2020, 2013, 2016,2020,2023 and 2024) and e don win am 2 times.
See di list of people wey dem nominate for 2024 edition
• Novak Djokovic – wey dey play table tennis and e don win di award four times
• Mondo Duplantis- di bobo na from Sweden and e dey play Pole Vault (Athletics)
• Noah Lyles- Di Bobo na from USA and na 100 meters relay(race) e dey do.
• Max Verstappen- Di bobo na from Netherlands and na motor racing e dey do.
• Lionel Messi – Lionel Messi na From Argentina and na Im win di last edition of this award(2023 edition)
• Erling Haaland- Di bobo na from Norway and na football e dey play.
How dem take dey select di winner
Na 69 members of Laureus World Sports Academy, Olympic Champions, world record breakers, athletes wey do beta things for sports go be di Jury and na dem go do di final stage of di judging process.
Dem go announce di winner of di award on di 22 April 2024 and di 25th edition of Laureus World Sports award ceremony go shele in Spain.
