Nigerians don celebrate tire after dem hear say Super Falcons coach wey im name na Randy Waldrum and Plumptre don return to Super Falcons team.
Na oga Justin Maduagu wey be assistant coach bin dey incharge of Super Falcons ever since England commot Nigeria for round of 16 of FIFA women’s Worldcup wey shele for Australia last year.
Super Falcons of Nigeria go meet Cameroon for third round of CAF women’s 2024 Olympic qualifiers and Randy Waldrum di release di list of players wey e won carry go play di match.
See di squad list wey go face Cameroon women
• Goalkeepers: Chiamaka Nnadozie, Tochukwu Oluehi, Tochukwu Jiwaku
• Defenders: Osimachi Ohale, Michelle Alozie, Tosin Demehin, Ashleigh Plumptre, Akudo Ogbonna, Rofiat Imuran.
• Midfielders: Halimatu Ayinde, Christy Ucheibe, Rasheedat Ajibade, Toni Payne, Deborah Abiodun, Jennifer Echegini.
• Forward: Asisat Oshoala, Omorinsola Babajide, Esther Okoronkwo, Uchenna Kanu, Gift Monday.
Where dem go play di match
Di match na di third round of di qualifying stage and dem go play am two legs(home and away) Nigeria vs Cameroon go play di first leg for Stade de la Reunification Stadium wey dey for Douala, Cameroon and dem go play di match next week friday, dem go play di second leg for Moshood Abiola Stadium, Abuja, on Monday, February 26 and anybodi wey win go enter fourth round wey be di final round.
See di list of countries wey dey play this third round qualifiers
• Ghana vs Zambia – Dem go play their first leg on di 23rd Febuary while di second leg na 28th February 2024
• Tunisia vs Morocco – Dem go play their first leg on di 23rd Febuary while di second leg na 28th February 2024
• Nigeria vs Cameroon – Dem go play their first leg of di 23rd Febuary while di second leg na 26th Febuary 2024
• Tanzania vs South Africa – Dem go play their first leg on di 23rd Febuary while di second leg na 27th Febuary 2024
How di fourth/final round go be
• Anybodi wey qualify for Ghana vs Zambia go face anybodi wey qualify inside Tunisia vs Morocco
• Anybodi wey qualify for Nigeria vs Cameroon go face anybodi wey qualify inside Tanzania and South Africa
Dem go play di fourth round in April 2024 and people wey qualify for fourth round go qualify for 2024 Olympic wey won shele for Paris and di Olympic go start on di 24 July finish on di 11 August 2024.
