Chelsea fans don continue from where dem stop this one pain dem pass because Liverpool knack dem wetin no good and di lose still carry dem back to 10th position for Premier league table.
When match start, Chelsea fans think say dem go win di match because dem dey play well but as soon as ball enter 23′ mins naso Jota run score, we still dey tok that one naso Bradley run make am 2-0 around 39 mins.
Liverpool still get anoda opportunity to make am 3-0 but Nunez miss penalty around 45′ mins after e play d penalty for bar, Nunez play ball wey hit bar four times yesterday and no player don play ball wey don knack bar pass 3 times for EPL this season.
Although Mykhailo Mudryk get beta chance to make di match 2-1 but e miss am na from di miss Liverpool take make di match 3-0 all thanks to Bradley wey do di assist give Szoboszai inside 65 mins.
The only positive thing wey Chelsea fans fit use console demself be say Christopher Nkunku enter come score one beautiful goal wey make di match be 3-1 but e no waste Luis Diaz come score anoda goal for Liverpool wey make di match end 4-1 for Anfield.
Although some Chelsea fans still dey vex say dem get two penalty but referee no gree give dem so na wetin follow weak dem for di match.
See wetin Mauricio Pochettino tok for interview after yesterday match:
” I think Liverpool beta pass us yesterday, dem really deserve di three points, we no dey good enough, I think for many reasons and I think e still get plenty things to say, Liverpool beta pass us yesterday”.
Pochettino still tok about di two penalty wey referee no go Chelsea:
” Maybe yes, person need luck sometimes, that Gallagher penalty incident after seven minutes, I think di penalty for hep us build our confidence and e go still help us play and face di game but referee no give us di penalty, when you play against team like Liverpool wey dey do well wey still be one of di best teams in the last few years wey still dey consistent, you need some points wey go help di situation but today di situation dey against us” – Mauricio Pochettino via BBC
Before e commot, Pochettino still tok wetin e learn about yesterday match and wetin e fit do for Carabao cup final
” Maasive game, we fit use am learn alot come still approach di Carabao cup final in a different way, we need to dey more aggressive and address dem with di same Energy,dem beta pass us today”.
The winning wey Liverpool win Chelsea for Anfield yesterday help dem enter 1st with five points while Chelsea return back to 10th position.
The lose come make some Chelsea fans dey worry whether na this leg Chelsea go take play Liverpool for Carabao cup final wey go shele on di 25th February 2024 for Wembley stadium because wetin their legs see for Anfield yesterday their mouth no fit tok am.
