Ivory Coast wey be di host don surprise many people after dem commot Senegal for AFCON yesterday although dem do am through penalty shoot-outs.
When match start, everbodi think say Senegal go commot Ivory Coast but wetin dem carry for mind no be wetin dem later see.
Although na Senegal first dey lead all thanks to Sadio Mane wey give Dailo di assist wey e take score Inside 4 mintues.
When match won finish ,naso referee come give Ivory Coast Penalty wey Kessie take score around 86′ mintues wey make di match enter extra time, from extra time to penalty shoot-outs na from there Ivory Coast take win Senegal 5-4 wey make dem enter Quarter final.
See di list of countries wey don reach Quarter final currently:
• Angola
• Nigeria
• Cape Verde
• Ivory Coast
• DR Congo
• Guinea
• Mali
• South Africa.
See di Quarter final matches
• Nigeria vs Angola – Di match go shele on di 2nd February and dem go play di Match for Houphouet-Boigny stadium
• DR Congo vs Guinea – Di match go shele on di 2nd Febuary 2024 and dem go play di match for Ouattara (Abidjan).
• Cape Verde go meet South Africa and di match go shele on di 3rd February 2024 for Yamoussoukro.
• Ivory Coast go meet Mali and di match go shele on di 3rd Febuary 2024
Semi finals:
• Anybodi wey win for Nigeria vs Angola match go meet Cape Verde or South Africa and di match go shele on di 7th February 2024.
• Anybodi wey win for DR Congo vs Guinea match go meet Ivory Coast or Mali.
more to follow later….
