Amsterdam District Court don send Quincy Promes to prison after dem allege say e won smuggle 1,300kg of Cocaine wey worth โฌ75million.
Di 32 year old winger wey dey play for Spartak Moscow now don enter anoda wahala after one court wey dey for Netherlands sentence am to 6-years in prison.
According to reports, Quincy Promes no dey court infact ever since dem start this trial Quincy Promes no gree come court.Dem don even try to extradite di bobo come Netherlands but dem no fit because e dey Russia and Russia no get extradition treaty with the Netherlands so Quincy Promse fit still continue dey play hin ball for Russia.
Judge wey handle di case today wey im name na Vaandragger still tok how e dey feel because Quincy Promes involve hin self for this kind business.Oga Judge say, people dey look up to Quincy Promes especially young people because of hin football talent, di judge say:
” Di suspect( Quincy Promes) di regular for news, e dey active for social media, and e get fans worldwide, na im even make di matter worst because e won increase hin wealth by participating in major international drug trafficking, so na all these things wey check come calculate come see say e deserve six years sentence”
Di court allege say Quincy Promes bin import 1,363 kilograms of cocaine from Brazil in 2020, through di Belgian port of Antwerp into The Netherlands via di Cap San Nicolas container vessel in January 2020.
Dem hide di first batch inside sacks of salt and that one alone carry 650 blocks of cocaine, while di second batch get logo of a tiger stamped for hin bodi and that one weigh 712kgs after Belgian police intercept am.
Di way wey dem take know say Quincy Promse dey involve na through phones wey Police seize so dem come check wire-tapped messages and some messaging apps na wetin Court take know say na im get di cocaine.
People wey di prosecute am bin dey ask for nine years in prison but court no gree so dem later give am six years.
Quincy Promes still dey deny say e no know anything about di cocaine, e no gree come di court sef na Russia e dey.
No be now Quincy Promes don dey do court case, dem sentence Promes to 18 months in prison still order am to pay compensation money after e use something choke cousin because e dey find hin necklace wey person thief.
Incase you no know, Quincy Promes join Spartak Moscow from Ajax in 2021 and e don play 21 matches across all competitions for Spartak this season, score eight goals and assist eight and hin Spartak contract dey expire in June 2024.
