E don tey wey Many Nigerians don dey ask wetin cause quarrel between John Obi Mikel and Sunday Oliseh, now di former Super Eagles and Chelsea defender don come out dey tok wetin make am and Sunday Oliseh get problem.
The Nigeria Football Federation (NFF) bin appoint Sunday Oliseh as Super Eagles coach in 2015, Sunday Oliseh coach 14 games come lose only 2 matches and hin Super Eagles team score 19 goals come concede only 6 goals.
Despite say Sunday Oliseh get beta stats for Super Eagles but hin journey as Super Eagles coach come get k leg because of di issue wey e dey get some of di Super Eagles players.
See wetin Mikel Obi tok about how hin issue with Oliseh take start:
According to wetin Mikel Obi tok for hin Obionepodcast, Mikel Obi say ” When NFf appoint Sunday Oliseh, di first day for camp wey players wey hin select enter camp make dem start training, we get general meeting because we get new coach, naso Sunday Oliseh come begin dey tok about player power and wetin vex me be say di tori na just rumour, di issue of player power na direct attack for me(Mikel Obi) and our goal-keeper then ( Vincent Enyeama)”- Mikel Obi via Obionepodcast
Mikel Obi still tok how Vincent Enyeama and Sunday Oliseh take get issue that same day, Obi say:
“Enyeama just ask Oliseh small questions about di Player Power rumour and how e take dey approach players for hin first meeting as a coach, naso argument take start because Sunday Oliseh no like wetin Enyeama ask am, as dem dey argue dey thing come dey turn anoda thing soety Vincent Enyeama come use vex commot for di training camp, I still try beg Enyeama make e no commot but Enyeama no gree”.
Mikel Obi still tok for di podcast say, “e still choose to stay for Super Eagles despite say im and Sunday Oliseh no get good relationship but di kind bench wey hin chop too much, e say e chop bench even when hin team need am for match coach still no gree put am, Mikel Obi say e come dey confuse because of wetin Sunday Oliseh dey do am soety e come even decide say e no go come back to first team if coach know say e go still bench am, Mikel Obi still say since wey e don dey play ball, no club or former national team coach don tream am as Sunday Oliseh take treat am.
Mikel Obi still tok how good Sunday Oliseh be as a player but e dey shock how Sunday Oliseh take handle di first team, Mikel Obi say:
Aside from di issue Sunday Oliseh get with me and Vincent Enyeama, Sunday Oliseh still get issue with di entire national team then because di team no come dey unite as e take be before, and di players come still dey confuse dey reason wetin dem go do anytime Sunday Oliseh set instruction for training”
Before Mikel Obi close di podcast, Mikel Obi still tok how Sunday Oliseh take di blame players for hin resignation as di coach of Super Eagles, e say Sunday Oliseh say e re-sign because none of di players and staff gree support am well.
Mikel Obi still accuse Sunday Oliseh say Sunday Oliseh tok say some people use juju take make am resign as Super Eagles coach.
Incase you no know, Sunday Oliseh bin resign as Super Eagles coach on di 26th February 2016 just one month before Nigeria play Egypt for AFCON qualifiers,
