Former Super Eagles and Chelsea midfelder don come out dey explain di kind thing wey e dey see anytime wey e tok say Lionel Messi na di greatest footballer of all time.
Di 36- year old former Chelsea midfelder wey im name na John Obi Mikel still no gree for anybodi infact no be today e don start dey tok say Lionel Messi na greatest footballer of all time.
Ebi lyk Mikel Obi na Lionel Messi top fan because even when Messi win di 2023 FIFA men’s player of di year award ahead of Erling Haaland wey people dey ask why Lionel Messi go win am ahead of Erling Haaland naso Mikel Obi tok for interview say Lionel Messi deserve di award ahead of Erling Haaland.
After Mikel Obi tok finish for di interview some football fans come begin dey attack am online while some come dey yab am say e no sabi anything so since then naso so so vawulence John Obi Mikel just dey receive online.
Now, Mikel Obi don come out tok how e take di handle people wey enter hin Instagram account dey insult am and how e take dey reply.
John Mikel Obi tok this one for hin Obionepodcast wey e do last week and e invite Eden Hazard for di podcast, and e tok am after e ask Eden Hazard who be di greatest of all time wey Eden Hazard sef tok say na Lionel Messi.
Immediately Eden Hazard choose Lionel Messi naso John Obi Mikel come clap for am rush say:
” “Na debate, you get your own opinion I get my own opinion, anytime I tok about am, I dey get messages for my Instagram, I dey behave like Eden Hazard, I no dey give fu*k about wetin dem dey send give me, I no dey play football anymore, if dem come to my Instagram dey send me yeye messages I dey always send back, I no dey joke nowadays I dey always write back”
After e tok finish, e still choose hin own greatest footballer of all time come still give reason why e choose Lionel Messi ahead of Cristiano Ronaldo, John Obi Mikel say:
” But na my opinion,I am allow to get my own opinion and my own just be like Eden Hazard own, Cristiano Ronaldo na greatest goal scorer ever and e go continue to score goals but as a footballer and as a complete talented football player na Lionel Messi and na my opinion, some people fit tok anything wey dem won tok na my opinion”
Di 2013 AFCON winner no gree hide hin choice and e believe say Lionel Messi na greatest of all time but some football fans no still gree for wetin Mikel Obi tok.
Incase you don forget, John Obi Mikel retire from football on di 4th 27th November 2022 after Kuwait SC terminate hin contract after only four months wey e join di team and di team bin terminate di contract on di 4th November 2021.
