Before dem begin sign players with millions of pounds/Euro, e get time wey £1 fit sign you beta players even if you no get money you fit use another thing pay the club wey you won sign dia player and Man United bin do am before.
Back in 1927, Manchester United bin use two freezer wey ice cream full inside to buy player from Stockport County FC.
Hugh McLanahan bin dey play for Stockport County FC back then, the team come dey owe gbese up and down dem no even get money to pay players soety dem come dey beg money from dia fans.
Man United assistant coach then wey im name na Louis Rocca wey dey do Ice cream business come hear the news e come pity Stockport County FC because e get as e be for football team to dey beg money from dia fans
The next day, Coachie Louis Rocca call people wey help am carry two freezer of Ice cream go meet Stockport County tell dem make dem give dem one player collect the Ice-cream atleast if dem sell am dem go see money pay some gbese wey dem dey owe still see money pay some of dia players wey dem dey owe.
Naso Stockport County FC enter inside carry Hugh McLanahan give Man United, Coachie Louis Rocca sign contract carry am go Man United home that day.
Di bobo later play 116 games for Man United score 12 goals e even captain Man United for some matches, after nine years for Man United e later leave dem join Nott County.
