Many football fans no know say e get anoda football competition wey dem dey call Homeless Worldcup because dem never watch or hear anything about it before na only FIFA Worldcup some people Sabi.
Incase you no know, the Homeless World Cup na football tournament wey dem dey play every year and people wey organize am na the Homeless World Cup Foundation, dem no relate to FIFA.
homeless Worldcup Foundation na social organization wey dey advocate the end of homelessness through football.
The organization dey organize football competition every year and teams wey dey play am na people wey dey homeless from different countries.
Mel Young and Harald Schmied bin start di Homeless Worldcup organization in 2001 because dem won use am advocate for Global solution to people wey dey homeless.
The first annual football tournament for people wey dey homeless first shele for Graz, Austria in 2003 and people wey win am na Austria.
In 2008, dem come decide say dem go create women competition because no be only men dey homeless.
Country wey don win this tournament pass na Mexico, di men team get 4 trophies while di women team get 8 trophies but people wey win di last edition na Chile .
No be everybodi fit play di competition before you play di competition e get di kind thing wey di organizers go ask you, people wey fit play di competition na:
Criteria for di tournament:
• Di player must dey 16 years old at the time of di tournament and e never play Homeless World Cup tournament before
•Di person must dey homeless for some point after di previous year’s tournament in accordance with the national definition of homelessness and di person must dey street dey hustle.
•Di player must be asylum seekers currently wey no get any positive asylum status or di person don seek asylum before but later collect residency status a year before the event.
•Di player must be in drug or alcohol rehabilitation and e go dey homeless for the past two years even if you no dey homeless as you won register for di tournament you go bring beta evidence wey show say you dey homeless before.
•Players wey dey play di match: every team dey get 4 players for court:3 outfield players,1 goalkeeper,Plus 4 substitution players.
Tournament details:
Di winning team go get 3 points while di losing team go collect zero points but If di match end for draw, dem go play penalty shootout direct, any team wey win for di penalty go collect two points and the losing team go collect one point.
Dem dey play di matches for 14′ mins( first half 7 mintues, second half 7 mintues) The field dey 22m long x 16m wide.
The organizer don announce say di 2024 Homeless Worldcup go shele for Seoul and e go be di first time the Homeless World Cup go shele in Asia since dem start di tournament in 2003.
The Seoul 2024 Homeless World Cup go yake place in October next year for 8-days in South Korea’s capital city but before then dem go announce di dates and cities wey di tournament go take place.
