Na today Nigeria go meet Angola for 2023 AFCON Quarter final match and some Nigerians no fit wait make match start because dem get believe say Super Eagles go win Angola today.
Super Eagles of Nigeria make their country proud after dem commot Cameroon for round 16 and dem do am without conceding a goal.
This 2023 AFCON don come with many surprise because countries wey we see as favorites to win this AFCON don commot finish infact all countries wey reach Quarter final for 2021 AFCON don commot finish.
Nigeria na di highest-ranked country wey still dey for this competition after dem commot Morocco (13th), reigning champions Senegal (20th), Tunisia (28th), Algeria (30th) and Egypt (33rd), according to FIFA rankings
While Angola na di lowest-ranked team (117th) wey remain for this 2023 AFCON and people say make dem no underate dem because dem fit shock people.
See wetin you suppose know about Nigeria vs Angola match today
• Today go be di first time wey Nigeria and Angola go meet for AFCON di last time wey Nigeria and Angola meet na for African Nations Championship wey shele in January 2018 and Nigeria win 2-1after extra time in the quarter-final( Although di competition na for home based players)
•The last time wey Angola win Nigeria na for World Cup qualifiers in June 2004 and di match end1-0.
• The last time wey Nigeria lose for AFCON quarter final na in 2008 and na Ghana commot Nigeria then.
• Super Eagles of Nigeria don win four of their last six games, draw one lose one
• Angola win three of their last 6 matches, draw 2, lose one.
• Angola win group D with 7 points, dem win 2, draw one come score 6 goals for group stage and na only three goals dem concede.
• Nigeria carry 2nd for group B, dem win 2, draw one come score 3 goals and na only one goal dem concede against Equatorial Guinea.
• Angola get 9 goals for AFCON so far,( 6 in group stage, 3 in knockout stage) and their highest goal scorer na Dala wey get 4 goals.
• Nigeria get 5 goals for AFCON so far( 3 in group stage, 2 in knockout stage) and their highest goals scorer na ADEMOLA LOOKMAN wey get 2 goals.
Nigeria vs Angola team news
Angola first choice goal-keeper wey im name na Adilson Neblú bin collect red card against Namibia after e use hand carry ball for outside hin 18- yards box and na António Signori wey replace am that day fit dey post against Nigeria today.
Angola midfelder wey im name na Beni Mukendi no go dey around today and reports say di bobo use vex return to Casa Pia wey be hin club because Angola no gree dey use am for this 2023 AFCON.
The only concern wey Nigeria get na Stanley Nwabali, but Super Eagles coach tok for press conference say dem go di final test and training yesterday so if Stanley Nwabali dey fit say e go play today but wetin sweet Nigeria pass be say dem see Stanley Nwabali for training yesterday.
Date, time and venue of di match
The match go start by 6pM Nigeria time today wey be 2nd Febuary 2024 and dem go play di match for Stade Felix Houphouet Boigny stadium wey dey for Abidjan, Ivory Coast.
