Some football fans don begin dey vex while some dey happy after dem hear say Argentina dey reason whether dem go retire their Jersey number 10 to honor Lionel Messi.
The tori don bring so many reactions online wey make some people dey ask why dem no do am for Maradona wey win 1986 FIFA Worldcup for Argentina why must it be Lionel Messi.
Well, Argentina plan na to retire di number 10 jersey to honor Diego Maradona but FIFA no allow dem due to some reasons back then na why dem carry di number 10 jersey give Ariel Ortega wey bin dey play for River plate Football club then.
Everybodi know how jersey number 10 di important for football, infact, football fans dey respect anybodi wey dey wear jersey number 10 pass any other person for pitch.
Lionel Messi later inherit di jersey, come dey do wonders for Argentina, Lionel Messi don play 180 games for Argentina, score 106 goals with 58 assists no be only that Lionel Messi don still help Argentina win international trophies just as Diego Maradona.
Lionel Messi win 2021 Copa America wey shele for Brazil, e still win 2022 CONMEBOL wey shele for England come still help Argentina win their first FIFA Worldcup trophy in 36 years.All this things wey Lionel Messi don achieve for Argentina and clubs don make some people follow dey reason wetin AFA president tok.
According to Marca, Oga Claudio ‘Chiqui’ Tapia wey be AFA President tell some Argentina media say any day wey Lionel Messi retire say Argentina go retire hin number 10 jersey for life just to honor him.Oga Claudio ‘Chiqui’ say:
When Messi retires from the national team, we will not allow anyone else to wear the number 10 after him. This number ’10’ will be retired for life in his honour. It’s the least we can do for him,”
” When Messi retires from the national team, we will not allow anyone else to wear the number 10 after him. This number ’10’ will be retired for life in his honour. It’s the least we can do for him,”
Wetin Argentina FA president tok no sit well with some football fans, some say make dem leave di jersey so that e go dey inspire the younger ones while some still like wetin Claudio’Chiqui’ tok.
See some social media users reactions:
Luke say: ” This one dey pointless, make dem leave am so that dem go use am inspire the next generation just like they did to Lionel Messi”.
Tiger Blade say: ” You think say to retire di jersey go dey enough, why not kpai anybodi wey dey 10 years for Argentina make dem still use am honor am.
Thementationcraft say: ” E no really make sense oo”
