Since Victor Osimhen win hin first ever CAF men’s footballer of di year award many topics don dey come up, now popular Nigerian Journalist wey im name na Steve Dedee don come out tok wetin shock many Nigerians.
On di 11th December 2023, Victor Osimhen bin win CAF men’s footballer of di year award for Morocco wey make am the first Nigerian player to win such award after Kanu Nwankwo win am last in 1999(24 years ago).
After Osimhen collect di award finish, e no even reach 24 hours e run go back to Italy still follow hin Napoli team mates train come still score against Braga for Champions league group stage match, Victor Osimhen do all this things within 24 hours na im some people come dey tok say Victor Osimhen na beta hard-working player.
Now popular Nigerian Journalist wey im name na Steve Dedee don use X(Twitter) account say Victor Osimhen don pass Jay Jay Okocha in the ranking of the greatest ever Nigerian players.
See Steve Dedee post for down:
Jay Jay Okocha bin make hin official Super Eagles debut in 1993 for 1994 FIFA World Cup Qualifier away match wey Ivory Coast beat Nigeria 1-2 around May 1993.
Jay Jay Okocha play 73 games for Super Eagles score 14 goals and e follow for Super Eagles squad wey win di 1994 Africa Cup of Nations but Jay Jay Okocha no win CAF men’s footballer of the year award na im make Steve Dedee say Victor Osimhen don pass Okocha level.
Victor Osimhen follow for Nigeria under-17 team wey win thehe 2015 FIFA U-17 World Cup wey shele for Chile.
Victor Osimhen bin score 10 goals in seven games for di tournament wey make am win the Golden Boot and Silver Ball awards for di tournament, No be only that, e still win CAF youth player of di year in 2015.
The 24 year old Napoli striker don player 26 games for Super Eagles come score 20 goals now e don win CAF men’s footballer of the year na im make Steve Dedee and others believe say Victor Osimhen don pass Jay Jay Okocha level.
Although many Nigerians no like wetin Steve Dedee tok some say:
@Sawyerr say: “Show me Osimhen National team titles, abeg no even compare di both of dem”.
@TrippleFF say : ” Una go open twitter dey type nonsense””Shout out to victor Osimhen BUT Never disrespect Austin like this again”.
@Oluwa femi say : ” Omooo you dey mad oo” , Who rank them”Person wey fail to qualify us for the last world cup”.
@JeffZamanni say: .This one is looking for Traffic…Elon musk money … oga rest “.
