Some football fans wey no watch Schalke 04 vs Hansa Restock match yesterday see wetin dia eyes never see before for football.
German second divison teams wey be Schalke and Hansa Restock bin play first half enter 81′ mins and di match and some pictures wey football fans see don begin make dem dey ask questions.
Both teams bin dey play ball reach 40′ mins, na that time some agberos wey come watch di match come begin dey cause vawulence dey fight for stand.
Dem fight soety both fans come begin dey throw fireworks give each no be only that, dem come begin dey spoil something for Otseestadion stadium.
Na for Hansa Rostock home dem play di match so Hansa fans don sabi everywhere for di stadium na why dem dey cause vawulence anyhow.
The one wey shock securities and some police officers wey dey there na how Schalke fans take dey throw fireworks enter where Hansa Restock fans dey and di thing nearly wound plenty people na that one make some officials say make dem suspend di match till dem settle di fight before person go kpai.
Dem later suspend dey match but dem no fit pause time because time no dey wait for anybodi na why time waka enter 81’mins and na still first half oo but referee adjust hin watch na later for second half dem come adjust dey one wey dey show for some television.
Dem later continue di first half when dem see say everything don calm, fans no come dey fight again but e no waste time Hansa Restock player wey im name na Brumado come collect red card after e do mistake elbow Schalke 04 player.
After di red card, e no waste time Nicolas Winter wey be di referee come blow whistle for half time even though dey clock dey 81′ mins.
The 81′ mins wey some fans see come make dem dey wonder wetin happen soety some people come dey use their social media accounts dey ask whether na from their television or too much of garri don dey worry dem.
The match later end 0-2 in favor of Schalke after Blendi Idrizi and Kenan Karaman score when second half remain 20 mintues to finish.
The winning help Schalke escape relegation zone because e push dem to 13th for table while Hansa Restock jump down to 16th for table.
