Former Paris Saint German player wey im name na Rothen don come out dey tok say Lionel Messi character don change since wey Messi win Worldcup.
Messi bin help Argentina win di 2022 FIFA World Cup wey shele for Qatar and ever since Lionel Messi win di Worldcup many people don dey tok plenty things and one of those people na oga Rothen wey be former PSG player.
According to oga Rothen, Oga Rothen tell RMC say ever since Lionel Messi win that Worldcup e just dey behave like agbero, e say Messi just change from being fans favorite to agbero overnight so e no like di new character wey Messi just dey show so e go like make Messi change now wey di character never enter hin body Wella.
Oga Rothen wey retire in 2013 say Messi no dey behave like this when e dey Barcelona and PSG so e no know wetin happen to Messi wey make am change overnight.
Oga Rothen tok this one after video show when Messi bin dey grab Rodrigo for neck during Argentina 1-0 win against Brazil last week wey some media outlets say both Messi and Rodrygo just dey yab each other that day.
After di match, di video come begin dey go viral wey make some football fans come dey tok dia mind but oga Rothen don come out tok hin mind say Lionel Messi character just chnage since e win that Worldcup.
Rothen tell RMC for interview say:
“If you check Argentina behavior, na dem dey first attack others especially Messi wey be dis leader”
“Now wey Messi na world champion, when e still dey PSG, Lionel Messi na very sweet guy, but now e don change because hin true character and personality don dey come out small small and people don dey catch am”
“Nowadays, you no fit even touch Lionel Messi again unless say na when e won hit you, you no see di kind thing wey e tell Rodrygo?, E tell Rodrygo ” Hey”, I be World Champion”.
After that one, Oga Rothen come tok say Lionel Messi no deserve that Ballon d’Or wey e win say na Erling Haaland deserve am, oga Rothen say ” The thing dey very shameful na beta shameful thing because na Haaland suppose win that Ballon D’or, between August 2022 and June 2023, wetin be di criteria wey make una believe say Lionel Messi beta pass others?.
E still tok say ” E no get criteria wey show say na Messi deserve that Ballon d’Or, if na about trophy, Haaland win trophy pass am even as Lionel Messi win that Worldcup”.
“Haaland win beta trophy with Manchester City and of course, you no fit compare base on the Worldcup because Haaland na from Norway” na wetin oga Rothen tok for RMC podcast.
Many Lionel Messi wey watch di podcast don tell Rothen make e go collect di Ballon D’or go give Haaland since e tok say Messi no deserve am but if e no fit do am make e just allow Lionel Messi rest because e don too attack Messi.
