For the past few days social media no contain some people because of the way Jude Ighalo ex wife take dey drag am online dey tok many things.
Adesuwa Sonia na ex wife of former Man United and Watford striker wey im name na Odion Jude Ighalo although two of dem never confirm am online say dem don divorce but some reports and the way two of dem take dey drag demself online make people believe dose rumours wey say two of dem don break up na true.
sister Adesuwa Sonia don come online dey tok how Ighalo take dey give women belle up and down like oga Solo and how she take help Ighalo join Watford.
She still tok how Ighalo take dey tell am people wey hin knack and how e take knack one Big brother Naija girl with Gucci bag and many things.
According to wetin sister Adesuwa Sonia post for her official Instagram story, she still tok how Ighalo take dey give women belle anywhere wey hin enter and how she take dey pray make Ighalo money no finish.
She still allege say Ighalo dey pay some people make dem come online dey support am dey comment anyhow online.
Although Ighalo never reply her for now but some people don dey beg her make she calm down make dem find way settle offline because the way wey she take dey drag professional player online no good.
