Some football fans think say football dey easy especially to play penalty na why some of them go dey for house dey para if dem see footballer wey miss penalty kick.
E get wetin happen yesterday wey some people no fit forget, one Vasco da Gama fan bin knack waist for ground after dem call am out make e come take penalty during Vasco da Gama vs Atletico Goianiense match Copa do Brazil match wey shele yesterday.
Di penalty wey di fan won play for di half time na part of di club marketing campaign so anybodi wey score di penalty go collect prize.
So as dem call di fan make e come play penalty against Vasco da Gama mascot di fan carry ball make e play naso di bobo slip come fall for ground carry waist knack for ground.
Watch di video for down
As e fall for ground e come get ankle injury wey no allow am stand up, na for ground e dey dey press phone dey do call, e dey for di ground till dem carry stretcher come carry am commot.
Although e score di penalty but di injury wey e carry don make people dey wonder whether e dey okay abi di injury dey too much.
After di carry di fan commot, dem come start second half and na Vasco da Gama later win di match 1-0 and di winning help win 2-1 for aggregate which means Vasco da Gama don qualify for Quarter final of Copa do Brazil.
