Football fans don begin dey wonder whether na di right channel dem dey watch abi na anoda channel because of wetin two players bin do for pitch today.
Two Footballers bin leave football wey dem come play come dey do anoda thing for pitch today and wetin follow save dem na because say na friendly match.
One West Brom player wey im name na Jayson Molumby and Samรบ Costa wey dey play for Mallorca bin choke leg for one leg of trouser for one friendly wey West Brom and Mallorca play today.
Wetin happen be say Jayson Molumby wey be West Brom player bin dey carry ball dey attack make dem go score Mallorca because first half don almost finish naso Samu Costa from nowhere come knack Jayson Molumby better tackling.
As Jayson stand up, di thing vex am, e come begin dey think wetin e go do Samu Costa naso e use vex give am better punch, we still dey tok that am naso Jayson Molumby hold am for neck till two of dem fall for ground.
As referee and their team mates come see say di matter don dey enter anoda thing naso dem rush come begin dey separate them, if to say dem no separate them, dem for fight reach tomorrow.
Wetin happen for today match don bring some many reactions on-line soety some people come dey tok say make dem carry Jayson Molumby go wrestling because e sabi.
After di fight, Mallorca later win West Brom 1-0 all thanks to Lopez wey score for 65 mintues, although West Brom try to equalize but goal no gree enter.
