Super Eagles coach wey be Jose Peseiro invite new players for Super Eagles camp and some people don dey wonder who dey bobo be.
Personal Information:
Nathan Tella na English and Nigerian footballer wey dem born on di 5th July 1999(Age 24 years) for Lambeth, England wey make dey bobo dey eligible to play for two countries.
Postion(s):
Nathan Tella dey play attacking midfielder and right winger because of hin speed and skills.
Personal Life:
Nathan Tella parents na Nigerians but dey born di bobo for England, Nathan grow up in Stevenage, still school for Edwinstree Middle School and Freman College wey dey for Buntingford.
Football career:
Nathan Tella start hin football career for Arsenal and e play for Arsenal for ten years before e leave Arsenal go do trial for Reading na from Reading di bobo join Southampton in 2017.
Nathan Tella play well for Southampton wey make dem extend hin contract in 2019 and e as dem enter 2020 Southampton come extend hin contract for three years.
On June 2020, Nathan play hin first senior professional match against Norwich City but e start as Substitute, on 15 May 2020, Nathan Tella come score hin first premier league goal against Fulham.
on 6 January 2022,come sign three and half years contract wey go keep am for di club till 2025 but e later leave Southampton come join Burnley on loan.
On 11 August 2022, Nathan Tella come join Burnley on loan and na season long loan deal, on 11 February 2023, Nathan Tella come score hin first career hat trick against Preston North End and di match end 3-0, e no even reach two months, Nathan Tella come score another hat trick against Hull City wey make Bayer Leverkusen come begin dey eye am.
Nathan Tella later join Bayer Leverkusen on di 27th of August 2023 come sign five years contract with Bayer Leverkusen, reports say na ยฃ20m Bayer Leverkusen use sign am.
On 8 November 2023, Super Eagles coach wey be Jose Peseiro come invite Nathan Tella make e follow for squad wey go play Lesotho and Zimbabwe for 2026 Worldcup qualifiers and na hin first international call up be dat.
