Many football fans don dey confuse while some dey happy after dem hear say UEFA don change Champions league and na anoda format dem go dey use for Champions league starting from next season.
Due to some fans don too complain say dem won make Champions league dey competitive now UEFA don finally change di group stage format and dem go dey use di new format starting from 2024/2025 season.
How di new Champions league format go be
• Na 32 teams dey play Champions league currently but starting from next season na 36 teams go dey play am, dem go add four more teams.
• There’s nothing like group A, group B, C and D again, dem go dey play am like league all di 36 teams go dey in the same league.
• Na 6 matches dem dey play for Champions league group stage currently, but starting from next season there’s nothing like 3 matches again, each team go play eight different teams starting from next season.
• na 16 teams dey qualify (1st and 2nd) dey qualify for each group currently but starting from next season na 24 teams go dey qualify, teams wey finish 1-8 for table go enter round of 16 automatically, 9-24 go play play off while team wey finish 25th – 36th go commot for di competition.
How dem dey take select teams wey go play each other for di group stage
To know di teams wey go play each other, dem go rank di four teams in four seeding pots, each team go play two opponents in each pots and dem go play one match against a team from each pot for home come play di second team for away.
How dem go take do di knock out stage
• After di group stage matches, team wey finish 1-8 go qualify automatically for round of 16, teams wey finish 9th-24th go play play-off and na home and di away dem go play am while team wey finish 25th-36th go commot for di competition.
• Those teams wey win for di play-off go meet team wey finish 1-8th for table for round of 16.
• From round of 16 dem go continue dey use di current format di only thing wey go change na di group stage.
When dem go dey play di matches
Dem gi still dey play Champions league for mid weeks na only final dem go dey play on Saturdays but dem don some changes ( Standard weeks and exclusive weeks).
• in Standard weeks, dem go dey play Champions League matches on Tuesdays and Wednesdays, while Europa League and Europa Conference League matches go be on Thursdays.
• In Champions League exclusive week dem go play Champions League matches on Tuesday, Wednesday and Thursday.
• In Europa League exclusive week, dem go dey play Europa League matches on Wednesday and Thursday.
• In Europa Conference League exclusive week,Dem go dey play Europa Conference League matches on Thursday.
