Many countries don already reach round of 16 while some people don carry their bag dey go back to their house, country like Ghana and Guinea Bissau don commot for their AFCON wey dey shele for Ivory Coast.
Super Eagles of Nigeria bin win Guinea Bissau yesterday wey help dem finish 2nd for their group while Equatorial Guinea win Ivory Coast 4-0 wey help dem finish first for group A.
We still dey tok that one Ghana come play draw with Mozambique despite say dem use two penalty dey lead 0-2 till 80′ mins wey Mozambique wake up come equalize 2-2 wey make Ghana commot for this AFCON.
Egypt sef follow Cape Verde play draw but dem still finish second for group B while Cape Verde finish first for di group.
many people don dey wonder who Super Eagles fit meet for round 16 because dem no need strong team, while Super Eagles go meet anybody wey finish 2nd for group C.
See di list of countries wey don qualify for now and people wey dem fit meet for round of 16:
• Senegal
• Nigeria
• Cape Verde
• Egypt
• Equatorial Guinea
Super Eagles of Nigeria go meet anybody wey finish second for Group C and country wey dem fit meet na Guinea or Cameroon pending on who go finish second and di match go shele on di 27th of January 2023
Cape Verde go meet anybody wey finish 3rd for group A and people wey dem go meet na Ivory Coast, Guinea or Cameroon.
Egypt go meet anybody wey finish 2nd for group F and people wey dem fit meet na Zambia or DR Congo and di match go shele on di 28th of January 2023.
Equatorial Guinea wey finish first for Nigeria group go meet anybody wey finish 3rd for Group C/D so people wey dem fit meet na Algeria, Burkina Faso, Guinea or Cameroon.
More to follow….
