Uptill now some football fans no believe say Former Man City title winning manager wey im name na Roberto Mancini play Leicester City.
In January 2001, Leicester City do wetin shock football fans all over di World after dem sign 36 year old Lazio striker wey im name na Roberto Mancini.
Mancini don first enjoy hin football career in Sampdoria because e play Sampdoria for 15 years before enjoy Lazio wey later loan am to Leicester City in 2001.
Before Roberto Mancini join Leicester City, e don already win two Serie A titles, Six coppa Italias, two Supercoppa Italias, two European cup winner’s cup and UEFA super Eagles.
How Roberto Mancini loan deal with Leicester City take end:
Leicester City bin decide say dem go sign Roberto Mancini because dem need hin experience for di team and Leicester City coach then bin dey admire Mancini too.
Around January 2001, Leicester City finally sign Roberto Mancini on loan from Lazio but before then, Roberto Mancini bin dey work as player- coach for Lazio under Sven-Goran Eriksson.
When Mancini join Leicester City on loan, everbodi just dey happy even Peter Taylor wey be Leicester City coach dey happy because e don already dey tok say e need striker wey get experience wey go dey teach young players for hin team ball.
Roberto Mancini play hin first match for Leicester City against Arsenal wey di match later end 0-0, come play hin second match against Aston Villa for FA Cup wey Leicester win 2-1.
Roberto Mancini play five games for Leicester City but e no score goal although e no play full 90 mintues Inside those matches because e don already reach 36 years.
Around February 2001, Roberto Mancini come tell Peter Taylor wey be Leicester City coach say e won travel go Italy for some personal whether di coach fit give am permission naso di coach give am permission thinking say Roberto Mancini go quick come back follow dem play Bristol City for FA Cup fifth round.
On di 14th February 2001, Roberto Mancini come call Peter Taylor say e no go come back again make dem find anoda player because e don already collect coaching job for Fiorentina.
After di call thing vex Leicester City coach then wey make am come out for press conference say:
” na beta big blow because Roberto Mancini don japa because we dey expect am to play for our game on Saturday and na important match but sometimes all this kind things dey happen when you bring person from abroad, I no fit praise Mancini enough for wetin e do for us when e still dey with us”.
Roberto Mancini wey score 156 goals inside 545 games when e still dey play football later join Fiorentina as a coach come win coppa Italia title although e later collect coaching job for Lazio di following season.
